| 140 | L’ALCORAN. |
vous y penſerez, c’eſt le droict chemin que vous devez ſuivre, ne vous en eſcartez pas, Dieu vous le commande, peut eſtre que vous craindrez ſa divine Majeſté. Nous avons enſeigné nos commandemens à Moïſe, c’eſt une grace particuliere pour inſtruire les gens de bien, & pour conduire le peuple au droict chemin, peut eſtre que vous croirez en la réſurrection. O habitans de la Meque, nous vous avons envoyé l’Alcoran remply de benediction, faites ce qu’il vous ordonne, fuyez l’impiété, vos pechez vous ſeront pardonnez, ne dites pas que Dieu a envoyé ſa loy à deux nations qui vous ont precedées[1], & qu’elle vous a eſté celée, Direz vous que ſi Dieu vous euſt enſeigné l’eſcriture vous auriez eſté obeïſſans plus qu’eux ? Certainement il vous a enſeigné ſes commandemens, c’eſt une grace ſpeciale pour vous conduire au droict chemin, qui eſt plus injuſte que celuy qui blaſpheme contre ſa divine Majeſté, & qui s’eſloigne de ſes commandemens ? telles gens ſeront rigoureuſement chaſtiez dedans le feu d’Enfer, attendront ils que les Anges les viennent viſiter ? que Dieu les purifie, & qu’il leur faſſe paroiſtre ſes miracles ? attendront ils le jour du Jugement, auquel le repentir & la converſion ſeront inutiles ? Ceux qui croyent en une partie de la loy & abjurent l’autre partie, n’ont point de fondement en leur creance, Dieu leur fera cognoi-
- ↑ Ce sont les Juifs & les Chrestiens.
