| 148 | L’ALCORAN. |
maugez, ils reſpondront : la boiſſon & le pain du Paradis ſont prohibez aux infidelles qui ſe ſont joüés de leur foy, qui ſe ſont enorgueillis des biens de la terre, & qui ſe ſont moquez des commandemens de Dieu, il les a oubliez parce qu’ils ont oublié la venue du jour du Jugement ; & qu’ils ont blaſphemé contre ſes commandemens Nous ſommes venus aux habitans de la Meque pour leur enſeigner l’Alcoran, nous l’enſeignons aux hommes pour leur faire cognoiſtre le droict chemin, & acquerir la miſericorde de Dieu, s’ils croyent en ce livre : Attendront-ils de croire juſques à ce qu’ils ſçachent ſon explication ? ſon explication paroiſtra au jour du Jugement, ce jour ceux qui auront veſcu ſans foy diront ; Certainement les Prophetes ont dit la verité, aurons nous part en leurs prieres.? intercederont-ils pour nous à ce que nous retournions au monde pour faire mieux que nous n’avons fait ? & pour obeyr aux commandemens de Dieu : mais ils ſeront damnez à cauſe de leurs blaſphemes. Dieu eſt voſtre Seigneur, il a creé les Cieux & la Terre en ſix jours, & s’eſt aſſis en ſon throſne, il fait que la nuit ſuit promptement le jour, le Soleil, la Lune & les Eſtoiles ſe meuvent par ſon commandement, & tous le monde luy obeït, loüé ſoit Dieu Seigneur de l’univers; Priez Dieu ſecrettement &:publiquement, il n’ayme pas les injuſtes, ne ſaliſſez pas la terre apres que les ordures en ont eſté oſtées, priez Dieu pour eviter les chaſtimens, & pour obtenir ſa miſe-
