| 164 | L’ALCORAN. |
tournez au combat contr’eux de toute voſtre force, les licols des chevaux eſpouveront les ennemis de Dieu, & les voſtres, & encores d’autres perſonnes que vous que cognoiſſez pas, mais Dieu les cognoiſt tous ; la depenſe que vous ferez pour ſon ſervice vous ſera payée, & ne vous ſera point fait d’injuſtice. Si tes ennemis inclinent à la paix, tu ne feras pas mal d’y incliner comme eux, confie toy en Dieu, il entend tout ce qu’ils diſent, & ſçait tout ce qu’ils font, s’ils te veulent tromper Dieu te protegera, & tous les vray-croyans(,) taſche d’unir leurs cœurs, mais quand tu deſpenſerois tous les biens du monde, tu ne les pourrois pas unir ; Dieu les unira un jour, il eſt tout-Puiſſant & Prudent en ſes œuvres. O Prophete, la protection de Dieu te ſuffit, & aux gens de bien qui t’ont ſuivy. Exhorte les vray-croyants de combattre les infidelles, ſi vous eſtes vingt aſſemblez avec reſolutîon & perſeverance, vous desfairez deux cens infidelles, ſi vous eſtes cent vous en vaincrez mille, les infidelles ſont des ignorans, mais Dieu veut alleger voſtre fardeau, il cognoiſt voſtre foibleſſe ; ſi vous eſtes cent vray-croyans, vous vaincrez deux cens infidelles, ſi vous eſtes mille vous en desfairez deux mille par la permiſſion de Dieu, il ayde ceux qui attendent ſon ſecours avec perſeverance. Le Prophete ne peut pas eſtre priſonnier, ils s’eſtablira en terre avec advantage ſur les infîdelles ; Vous demandez les biens de la terre, & Dieu vous veut donner les treſors du Ciel, il eſt tout-
