| DE MAHOMET. | 243 |
tout ce qui eſt au Ciel & en la terre eſt à Dieu, malheur eſt ſur les infidelles, ils reſſentiront à la fin du monde de tres-grands tourmens ; Ceux qui preferent les biens de ce monde à ceux du Ciel, qui ſe devoyent du chemin de la loy, & qui la veulent pervertir, font une tres grande erreur eſloignée de la verite. Les Prophetes ont parlé le langage de ceux à qui ils ont eſté envoyez pour les inſtruire, Dieu devoye & conduis qui bon luy ſemble, il eſt tout-Puiſſant & prudent. Nous avons envoyé Moyſe avec des prodiges pour ſortir les enfans d’Israël des tenebres, & pour les conduire à la lumiere, il leur a enſeigné les commandements de la loy, pour ſervir d’inſtruction à ceux qui perſevereront à bien faire, & qui ne ſeront pas ingrats des graces qu’ils ont receuës. Moyſe a parlé à ſon peuple, & a dit, ſouvenez-vous de la grace que Dieu vous a faite, il vous a delivrez des gens de Pharaon qui vous faiſoient ſouffrir de grands tourmens, qui esgorgeoient vos enfans, qui mal traitoient vos femmes, & vous faiſoient ſupporter de grands maux (envoyez de Dieu à cauſe de vos pechez.) le Seigneur a dit, ſi vous eſtes pas ingrats j’augmenteray mes graces ſur vous, ſi vous eſtes impies vous ſerez chaſtiez. Moyſe dit à ſon peuple, ſi vous & tous les homme eſtes impies, ſçachez que Dieu ſera touſjours glorieux, & qu’il n’a pas beſoin de vous ; Ne ſçavez vous pas ce qui eſt arrivé auparavant vous aux gens de Noé, d’Aad, de Temod, & à leur.poſtérité, que perſonne n’a connu que Dieu (à
