| DE MAHOMET. | 319 |
goureuſement chaſtié. Souviens-toy que nous avons monſtré à Abraham le lieu pour baſtir le Temple de la Meque, que nous luy avons ordonné de m’adorer ſeul, & de purger mon Temple d’Idoles pour la ſatisfaction de ceux qui y feront des proceſſions ; le peuple y viendra te viſiter de tous coſtez à pied & à cheval, ils en recevront du profit, ils y feront leurs oraiſons au temps ordonné & aux jours nommez, ils remercieront le Seigneur du bien qu’il leur a fait, & des richeſſes qui leur a données, & feront auſſi des proceſſions au vieil Temple, celuy qui le reverera fera tres-bien, & en ſera recompenſé de ſon Seigneur. Il vous eſt permis de manger de toute ſorte d’animaux mondes, excepté ce qui vous a eſté ci-devant deffendu, eſloignez vous de l’ordure des Idoles, gardez-vous de porter faux teſmoignage, & ſoyez obeïſſans à Dieu, celuy qui dit que Dieu a un compagnon, eſt ſemblable à celuy qui eſt precipité du Ciel, que les oyſeaux ont ravi, & que le vent a jetté en un lieu eſloigné & plein de malheur. Celuy qui reverera les ſignes de la puiſſance de Dieu ne doutera pas de ſa loy, & ſera recompenſé de ſes bonnes œuvres au temps ordonné s’il viſite le vieil Temple de la Meque. Nous avons donné à toutes les nations du monde une loy pour faire leurs ſacrifices, & pour remercier leur Seigneur de leur avoir donné advantage ſur toute ſorte d’animaux, voſtre ; Dieu eſt un ſeul Dieu, obeïſſez à ſes, commandemens, annonce une grande recompen-
