| DE MAHOMET. | 499 |
n’ont pas les moyens de ſe marier, vivront chaſtement juſques à ce que Dieu leur en ait donné les moyenſ: Ceux qui ſe voudront marier avec leurs eſclaves pourront paſſer un contract de mariage, s’ils les cognoiſſent ſages, & leur feront part du bien que Dieu leur aura donné, ne meſpriſez pas vos femmes qui ſont chaſtes pour paillarder, ſi vous deſirez avoir du bien en ce monde, ſi vous les meſpriſez, Dieu leur ſera propice & miſericordieux, Nous vous avons envoyé ces preceptes clairs & intelligibles, ſemblables à ceux qui ont eſté enſeignez à vos predeceſſeurs pour eſtre preſchez aux gens de bien, Dieu eſclaire le Ciel & la Terre comme la lampe qui eſt dans le fanal de chriſtal allumée d’huyle d’olivier beny ; Elle ſemble une eſtoile pleine de lumiere qui va ny en Ponant ny en Levant, & rend clairté ſur clairté, Dieu conduit par ſa lumiere qui bon luy ſemble, il enſeigne les paraboles à ſon peuple, & ſçait tout, il vous permet de le louër dans vos maiſons, de vous y ſouvenir de ſon nom, & de l’y exalter le ſoir & le matin. O hommes, vos affaires ne vous doivent pas empeſcher de vous ſouvenir de ſa divine Majeſté, de faire vos prieres au temps ordonné, ny de payer les decimes, craignez le jour que les cœurs des hommes ſeront agitez, & que leur veuë ſera troublée, que Dieu recompenſera & chaſtiera chacun ſelon ſes œuvres, & augmentera ſa grace ſur les bons, il enrichy de ſes bien-faicts ſans compte qui bon luy ſemble. Les bonnes œuvres
