En Guiraut Azemar e sos fìlhs Guiraudos,
R. de Montalba en Dragonetz lo pros,
N’Aliazars d’Uzest, e apres n’Albaros,
E Bertrans Porcelencs, Pons cui es Mondragos,
En Ricals de Carro en Pons de Sent Just bos.
O[i]mais a plaitz e guerra e contensan Simos,
E sos filhs n’Amalric e sos frair’en Guios,
Quel coms dux e marques del linatge n’Anfos
Li calomja sa terra.
La terra li calomja lo coms dux qu’es tozetz,
E defen e contrasta los tortz els dezeretz,
E pren castels e vilas e borcs e casteletz ;
Mas lo coms el coms joves, en Guis en Dragonetz
En Girautz Ademars e sos filhs Giraudetz
Parlero ab lo comte, car lor platz e lor letz.
« Senhors, » so ditz lo coms, « diiré vos que faretz :
« Eu m’en vau en Espanha e vos tuit remandretz,
« Ez en la vostra garda remandran Ramundetz ;
« E, s’es obs e gran coita, que vos l’acosselhetz,
« Que si el cobra terra gran honor i auretz,
« Pero si la perdia tuit vos i dampnaretz.
- ↑ — 3868-9. Y a-t-il une lacune entre ces deux vers et après le vers 3869 ? Réd. en pr. Or dit l’historia que dementre que lodit comte Ramon besonhava ainsin que dit es dessus, lo C. de M. no dormia pas de son cartié, mas prenia vilas et castels, plassas tantas que li venian davan ny trobava : las unas metia per terra, las autras ransonava, que grant pietat era de ho veser (p. 65). — 3870. lo coms, leçon qui paraît fautive en regard du v. 3872. — 3878. Réd. en pr. Quand lodit comte Ramon aguet ainsin parlat a toas sas gens, a sonat et tirat son filh apart, et li a dict... (p. 65).
