Car els son tant prohome c’anquer los cobraretz,
« E totz vostres dampnatges ab lor restauraretz.
— Ramon, » so ditz lo coms, « oimais conoicheretz
« Quius vol be o quius ama, e veirem que faretz. »
E lo coms pren comjat e va s’en a espleitz
Dreitament en la Espanha als grans cautz e als freitz,
El coms joves tramet cartas e sageletz
Que tuit siei amics vengan celadament e quetz
Al seti de Belcaire.
Al seti de Belcaire venc lo coms naturals
Per meg la condamina dretamens als portals :
Ab cosselh de la vila, de totz les plus leials,
Li lhivreron las portas elh renderon las claus ;
E demena gran joia ab sos amics corals.
El poble d’Avinho venc per Rozer ab naus ;
De Tharasco ichiron e coron als estraus,
E tuit passero l’aiga e intrero els caus ;
- ↑ — 3916. Note marginale : Ayci intret a Belcayre le comte. — 3919. Li, ms. Le. — 3923. caus, corr. claus ? ou vaus, cf. 3933.
— 3915. La réd. en pr. motive ainsi qu’il suit le mouvement du jeune comte sur Beaucaire : Et quand lodit comte Ramon s’en es estat anat, es vengut ung messatgié aldit comte jove en Avinho, la ont era per aleras, an tota sa gen, loqual messatgié era trametut per los habitans de Belcaire, per ly dire et demonstra com la dita vila de Belcaire era deliberada de se dona a el, si ly plasia de los prendre et recebre, a venir devers els, o de y trametre home per el venir prendre possession d’ela, nonobstant que las gens del C. de M. tenguesson lo castel d’aquela, et ly rendrian la vila..... (p. 65-6).
