Car lo valens coms joves a los peirers dressatz
Per lo capdolh combatre e ferir per totz latz,
E las garidas fondre e los murs dentelhatz.
So ditz Raolf del Gua : « Coms, diireus que fassatz :
« Tota l’otz es destreita si lo Rozerls vedatz. »
E so ditz lo coms joves : « R. Gaucelm, mandatz
« C’om establisca l’aiga ab totz los lins armatz.
— Senher, » so ditz n’Albeta, « lo naveitz es passatz,
« E tinem los passatges establitz e serratz,
« Que d’aisi entro Arle los avem totz lassatz ;
« E desotz lo castel, lai on es lo peiratz,
« Son ilh de Volobrega ab los lins acorsatz,
« Que nulhs hom no i abeura que non torne dampnatz. »
Mentrel coms s’acosselha ab sos amics privatz,
Lo rics coms de Montfort als carpentiers mandatz
Trastotz cels de la terra els seus endomenjatz,
E en la bela plassa, entre[l]s murs els fossatz,
— 4365. La fin de cette tirade est remaniée dans la réd. en pr. : Et quand s’es vengut l’endema, lodit comte jove a faict dressar ses peyrieras drech al sety deldit C. de M., et sur lodit sety a faict frapar losdits engins, que abaten et rompen totas las barrieras et lissas, dont lodit C. de M. es fort esbayt ; mais non fa degun semblant a sas gens ; et es talamen esbayt que no sap que fassa ne que diga, vist que sas gens se embaissan de ladita guerra, et que entre els no sou point d’accord. Et quand lodit C. de M. a vist abissar et rompre sos pabalhos et tendas, incontinen a faict venir los melhors fustiers et mestres que fossan en aquel païs, et una gata lor a divisada et faict far, per tirar contra los de ladita vila. Et quand los de ladita vila an vist far ladita gata, incontinen an tirat de las peyrieras contra los que la fasian, talamen que tot ho pessigan o tuan, talamen que [de] tots los que la fasian, que non es home que ose se trobar en aquel endrech (p. 71). — 4369. Ms. Rozer els.
