Cette page a été validée par deux contributeurs.
Guillemette.
Et qui est il ?
Pathelin.
Qui a surnom de Joceaume,
Puisque vous le voulez sçavoir.
Guillemette.
Mais la maniere de l’avoir
Pour un denier ? et à quel jeu ?
Pathelin.
Ce fut pour un denier à Dieu :
Et encore, se j’eusse dict :
« La main sur le pot ! » par ce dict,
Mon denier me fust demouré.
Au fort, est-ce bien labouré ?
Dieu et luy partiront ensemble
Ce denier-là, si bon leur semble ;
Car c’est tout ce qu’ilz en auront,
Jà si bien chanter ne sçauront,
Ne pour crier, ne pour brester.
Guillemette.
Comment l’a-il voulu prester,
Luy, qui est homme si rebelle ?