Page:La Fontaine - Fables choisies, Barbin 1692, tome 4.djvu/83

La bibliothèque libre.
Cette page a été validée par deux contributeurs.

J’ay le don de penser, & je ſçais que je penſe.
Or vous ſçavez Iris de certaine ſcience,
Que quand la beſte penſeroit,
La Beſte ne refléchiroit
Sur l’objet ny ſur sa penſée.
Deſcartes va plus loin, & ſoûtient nettement,
Qu’elle ne penſe nullement.
Vous n’eſtes point embaraſſée
De le croire, ny moy. Cependant quand aux bois
Le bruit des cors, celuy des voix,
N’a donné nul relâche à la fuyante proye,
Qu’en vain elle a mis ſes efforts
À confondre, & broüiller la voye.
L’animal chargé d’ans, vieux Cerf, & de dix cors,
En ſuppoſe un plus jeune, & l’oblige par force,