entour soi commença le regne a regarder ;
environ lui aloient tel ccc. baceler ;
n’i ot i. ne soit fius a demaine, u à per,
u à prince de tiere, que li rois dut amer.
Alixandres les fist par ses letres mander,
pour cou, quant il sera au terme d’adouber,
avoec lui les fera ricement conraer.
puis lor convint, o lui, grande paine endurer,
et mainte nuit viller, et maint jor jeuner
par les tieres sauvajes que il vot conquester.
Alixandres s’estut et prist à escouter ;
desour toute la vile oï i. cri crier ;
a tous caus qui l’oïrent, estut le sanc muer ;
n’i ot i. si hardi, ne convenist tranler.
Alixandres, lès lui, vit i. sien mestre ester ;
de l’ cri k’il ot oï, li prist à demander ;
li mestre li commence une[1] cose à mostrer,
por cou que cel afaite li viut[2] faire oublier ;
quar il sot Alixandres[3] si felon à douter
* que nus de son corage ne le poroit trener.[4]
de Nicolas le roi li commence à conter,
qui gueroie sempre, et viut desiretet,[5]
et viut toute sa tiere exiller et gaster ;
F. 5ccar treu li demande qu’il ne li viut doner.
Alixandres ot ire, si commence à jurer,
après li respondi : « ne l’ puis ore amender,
« tant k’iere chevaliers,[6] me convint endurer,
« et quant averai eles, si m’esteura voler ;
« teus me viut or mal faire, qui le puet conparer. »
Alixandres apele i. sien dru Festion ;
si le conjura fort, qu’il li die raison,
de l’ cri que il oï si die l’ocoison ;
et cil li respondi : « n’en dirai se voir non,
« et si est cou folie que nous le vous dison.[7]
« c’est une fiere beste, ains tele ne vit-on,
Page:Lambert li Tors - Li romans d’Alixandre, 1846.djvu/38
Le texte de cette page a été corrigé et est conforme au fac-similé.
10
ENFANCE D’ALIXANDRE.
