Page:Langlois - Le couronnement de Louis.djvu/212

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.


XIX


495Li apostoiles fu molt bien enseigniez ;
Or veit il bien que Deus li vuelt aidier, [*]
Quant par un ome puet son dreit desraisnier.
Molt requiert bien son dreit vers l’aversier :
« Sire, » fait il, « a celer ne vos quier, [*]
500Quant par dous omes nos convendra plaidier, [*]
Vo champion verreie volentiers, [*]
Qui contre Deu vuelt Rome chalengier. » [*]
Respont li reis : « Tot en sui aaisiez. » [*]
L’en li ameine le rei Corsolt en pié, [*]
505Lait et anché, hisdos come aversier ;[*]
Les uelz ot roges com charbon en brasier, [*]
La teste lee et herupé le chief ; [*]
Entre dous ueilz ot de lé demi pié, [*]
Une grant teise de l’espalle al braier ; [*]
510Plus hisdos om ne puet de pain mangier. [*]
Vers l’apostoile comence a reoillier ;
A voiz escrie : « Petiz om, tu que quiers ? [*]
Est ce tes ordenes que halt iés reoigniez ? [*]
— Sire, » fait il, « ge serf Deu al mostier, [*]
515Deu et saint Pere, qui devant nos est chiés. [*]
De soe part vos vorreie preier

    — 496 B2 Or set ; A B lor v. a. — 499 B nel vos q. — 500 C Q. p. .ii. ho. vous ; A nos poons emplaidier ; A2 .i. home ; B conuiendra desraisnier — 501 C Ton compaignon — 502 B vuelt home c. — 503 B or e. s. a. — 504 B corsolt le fier — 505 C Deuant le roi hi. c. a. ; B L. e. hi. et noir c. a. — 506 B come feu e. b. — 507 C L. t. ot l. ; B manque — 508 C E. les iex ot demi .i. grant p. — 509 A despaules a b. — 510 A ne pot estre sor piez — 512 C que tu q. — 513 C que tu ies r. ; B ques si haut reoigniez. — 514 A seruir d. ; B Sire dist il a celer ne vos quier Ge doi seruir damedieu al moustier — 515 B qui de nos toz e. c. ; A chier