Page:Langlois - Le couronnement de Louis.djvu/249

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

1330Por ce qu’il furent desconfit et chacié, [*]
N’i a celui n’ait sanglent le braier
Et les espalles et le cors et le chief. [*]
De pitié plore Guillelmes li guerriers.


XXXI


La ou il getent les chaitis de lor barges, [*]
1335N’i a celui n’ait sanglent le visage [*]
Et les espalles et trestot le corsage.
De pitié plore Guillelmes Fierebrace ;
Veit l’apostoile, a un conseil le sache :
« Sire, » fait il, « por Deu l’esperitable,
1340Mainz gentilz om a ci nu le corsage ; [*]
Quar lor donons pels et mantels et chapes, [*]
Or et argent ait chascuns en la place, [*]
Que retorner s’en puissent en lor marches. »
Dist l’apostoiles : « Gentilz om onorables,[*]
1345A onor faire deit chascuns estre larges. [*]
Icest conseil est bien dreiz que l’on face. »[*]
De ci a Rome ne firent arestage ; [*]
Por les chaitis destrosserent lor males, [*]
Si lor donerent et dras et pels et chapes ;[*]

    — 1330 A1 fachie ; A2 cachie ; A3 chatie — 1332 C et le cors et les piez — 1334 C La u issiereut l. c. d. l. b. — 1335 C Ni a celui qui nait — 1340 B De maint prodome a ici le corsage Qui sont tuit nu molt ont sofert malage — 1341 C et dras et piaus et capes ; B Reuestons les por dieu et por simage De nos tresors lor donons a grant masse Por respasser de ceste grant mesaise — 1342 B le vers est compris dans les 3 précédents — 1344 C jentiex quens ho. — 1345 B1 En ho. f. — 1346 B1 quon le face ; B2 Cest bon conseil si vueil bien quon le face — 1347 A de rien ne si atarge ; B2 Tresques a r. ; C manque — 1348 B desfermerent — 1349 A1,2 et pels et dras et chapes ; B cotes sercoz et c. ; A3 et dras et peaus de martre ; C et dars e. p. e. c.