Li cinc s’en fuient et navré et plaié. [*]
2165Li cuens Guillelmes les suit al dos derrier,
Si lor a dit un vilain reprovier.
Li cinc s’en vont fuient par mi un tertre. [*]
Li cuens Guillelmes les enchalce et empresse ; [*]
A vois escrie une ramposne bele :[*]
2170« Seignor baron, por Deu le rei celestre,
Coment sera la grant honte soferte ? [*]
Vo dreit seignor en menromes en destre. [*]
Deus ! quel barnage, se rescos poeit estre ! »
Et cil respondent : « Por Deu, merci, Guillelmes ! [*]
2175Frans chevaliers, bien deüssiez reis estre, [*]
O amiralz d’une grant riche terre. [*]
Si m’aït Deus, bien nos poez conquerre ;
Sor noz arçons nos gisent no boele, [*]
Li plus alegre n’a soing d’aler en destre. »[*]
2180Ot le Guillelmes, si a torné sa resne. [*]
— 2164 Leçon de C ; A que n. que p. ; B Li .v. (B1 .vi.) sent vont — 2167 B Li .vi. barons sen fuient par un tertre — 2168 B2 Li ber g. ; A les e. grant erre — 2169 Leçon de C ; A Il lor a dit ; B une parole lede — 2171 B si g. h. s. — 2172 B2 et C en menrons nos en d. — 2174 B p. d. sire g. — 2175 B vos d. r. e. — 2176 B1 amirant — 2178 Leçon de C et B1 ; B2 Sus les a ; A en g. n. b. — 2179 B L. p. hetie na s. damer pucele — 2180 Leçon de C et B1 ; B2 sa retorne ; A sa genchie — 2181 B crie — 2182 A por tes membres trenchier
