Nus n’est sour qui on ne mesdie.
· · · · · · · · · · · · Ne puet durer
Larges cuers por riens à l’aver.
Kiconques fait dou sierf signor,
Lui et son regne en grant dolour
Met.
· · · · · · · · · · · · · Pas ne folie
Hom ki par autrui se castie.
Sires ki mauvais conseil croit,
Lui méismes avant deçoit.
Onques princes escars n’avers
A bien ne vient.
Sages est ki fait de son tort
Son droit.
· · · · On dist souvent que grans pais
Gist en bien grant gerre à le fie.
Ausi grant cop fiert uns vilains
C’uns quens fait, u c’uns castelains.
Cascuns ne set c’à l’oel li pent.
· · · · On dit qui a mal voisin
Que il a souvent mal matin.
· · · · On voit souvent avenir
Ke teus kiet souvent entre piés
Ki puis vient deseure tous liés.
Teus est tous haitiés au jor d’ui,
Espoir ne vivera demain.
· · · · · · · · · Se cascuns punis
Estoit de ses meffais, avis
M’est qu’il n’est nus, ne haus, ne bas,
Ki bien ne péust dire hélas !
Je di que souvent de ses droits
Retolt norreture à.nature.
Vivre ù monde n’est mie fieste.
· · · · Li mors prent tout à son kius,
Sitost les jouenes corn les vius.
Mauvais fait croire quanc’on ot.
Il s’essauce ki s’umelie.