Le texte de cette page a été corrigé et est conforme au fac-similé.
Fetes troi croiz sor le lintel[1]
Jà mar direz ne un veel,
Puis porrez estre asséur,
Qar cel jor n’aurez mal éur
Que n’en veigniez tot au deseure.
Renart saut sus, plus n’i demeure,
Son charme fist, puis s’en torna,
Selonc le bois un mont trova.
Le pas s’en va lez la ramille,
Sor un fust vit une cornille
Qui de novel s’estoit baignié
Et de son bec aplanoié,
Et encore s’aplanioit.
Sitost conme Renart la voit
Es-le-vos à terre estendu,
Son v… a sachié trestot nu.
La Cornille par aventure
Garda parmi la raméure,
Vit de Renart le v… de fors,
Cuida c’oisel li éust mors.
Ses êles tent en avalant,
Selonc Renart descent volant,
A lui vint et si l’agaita.
Si conme cele l’aproucha
Et ele volt bechier el v…,
Renart saut sus qui son leu vit ;
- ↑ Al. Ferez trois cous sor le lintel.
