Si li a dit en son langage :
Sire Poincet, fet-tu que sage,
Se tu créez que je dira,
Merveille fu qui te vendra,
Et bien saver que je voil dir.
Lasus giser un Seint martir,
Por lui faser Diex tant vertuz,
Se tu voler aler piez nuz
Et port un candoil en ton mein,
Et tu veillier anuit à mein,
Et tu mis ton candoil lumer,
Tu fus demein un fis gendrer.
Ce dist Poincet, moult volentiers.
Atant se metent es sentiers ;
En sa main porte une candoille
Qui si art cler con une estoille.
Desoz un pin en un moncel
Iloc troverent le tombel.
Renart s’estut, cil vet avant,
Basse bosez, Dex t’en avant :
Cil vet avant, si se redote,
Renart toujors avant le bote ;
Tant fort l’enpeint qu’il chiet es laz
Parmi le col et l’un des braz.
Il est chéuz enz el broion
Qui chevilliez fu el roion.
Il tire fort et le bras froisse,
Li laz li refet grant angoisse :
Page:Le Roman du Renart, 1826, tome 2.djvu/128
Le texte de cette page a été corrigé et est conforme au fac-similé.
