Li moigne s’en va à la voie,
Toz seus s’en va, nus nel convoie :
Moult menace ses anemis
Par qui il fu en peine mis.
Sa teste jure coronée
Que jà s’ire n’ert pardonée
A Ysengrin ne à Tybert
Par qui il a tant max sofert.
Roonel ert en une haie,
De loing le voit, forment s’esmaie,
Si s’escrie, vez le Rendu
Que déumes avoir pendu :
Déables l’ont ore hors mis,
Li moine nel’ volent sofrir.
Cil n’a talent de ramponer,
Ainz s’en prist tantost à aler
Tant que il vint en sa tesniere
Où a trové sa feme chiere ;
Et qant le voit grant joie en a,
Ses deus braz au col li jeta,
Car moult avoit grant duel éu
Que Ysengrin l’avoit vaincu.
Si fil en ont joie moult grant
Qant lor pere voient devant ;
Puis que il est sains repairiez
Chascuns en ert joianz et liez ;
Moult fu bien acesmez li estres.
Renart qui fu rez conme prestres,
Page:Le Roman du Renart, 1826, tome 2.djvu/222
Le texte de cette page a été corrigé et est conforme au fac-similé.
