Trois mois a bien, ce vos plevis,
Que ne fui mès en cest païs ;
Se Roonel fu en meson,
Ce vieil lechéor, ce gloton,
Ma fame est moult bele meschine
Et si a non dame Hermeline,
Se il li quist honte et folie
Et ele sot tant de voidie
Qu’el se vanga dou pautonier,
Ce ne fet pas à merveillier.
Lors se leva Tybert li Chaz
Que Renart fist jà prendre as laz ;
Va ta voie, fait-il, gaingnon,
Dahaiz fors Noble le Lion
Qui je sui hom et il mes sire,
Qui vos dona congié dou dire
Tel goulée et tel estoutie
Qant apelas de felonie
Si haut baron con est Renart ?
Par ma foi tu es trop musart.
Ce jor que tu fus atrapez
Si con tu t’ies ici clamez,
Pasai-ge devant les plaissiez
Où Dant Renart iert herbergiez,
Ileuc trovai Dame Hermeline
Qui moult par est de franche orime,
Noveles li quis de Renart,
Et el me dist, se Diex me gart,
Page:Le Roman du Renart, 1826, tome 2.djvu/373
Le texte de cette page a été corrigé et est conforme au fac-similé.
