Le texte de cette page a été corrigé et est conforme au fac-similé.
Renars le voit, sel’ salua
Et Tybiers respondu li a :
Renart, toi hé et tes salus,
Car par toi fu mes fius pendus.
Et Renart d’un et d’el dit a
Tant que Tiebers li pardouna,
Si qu’il cuida qu’il n’euist coupes
En çou. Renart li fist cent loupes
En derriere, et tant le blada
Que trestout le doel oublia
De son fil, mais sa fain ne pot
Oublier, que si très grant ot.
A Renart dist, bien mengeroie.
Renart respont, jou si feroie.
