Le texte de cette page a été corrigé et est conforme au fac-similé.
Einsi conme tibers li chaz est montez seur un arbre à tout le hairon, et Renard est par desous, si parole à lui.
Goude jouk hiere goudendast.
Tibiers li respont en soumat,
Goude kenape willeconme,
Ke dont se venissiés de Rome
Ust li chevaus dont j’abati
Jus le convers ? Or le me di,
Et si m’en fai loial parçon.
Mais vous, sire, moi dou hairon
Que vous mengiés, qui tant me couste
Que vous véés, et je n’en gouste :
Car pour le hairon fui loiiés
Si fort que tous sui debrisiés ;
Car quant jus dou cheval chaï
Mes cors, une coste i rompi.
Moult ai éu journée male,
Pieur ke cius ki en mer cale.
Biaus sire, le hairon partés,
Et men avenant m’en dounés.
Tibiers respont, par Saint Fagon,
Puis que seus mengastes l’oison,
