Le texte de cette page a été corrigé et est conforme au fac-similé.
Einsi comme Renart ist de Maupertuis entre lui et sa gent, et entrerent en une nef en mer.
Tous ses soumiers fist lors torser,
Et tout kierkier et emporter
Quan k’il ot dedens le castiel,
N’i laissa ki vaille un naviel.
Tout en portent par desous tiere,
Ses prisouniers deus et deus serre,
Et les mena avoecques lui.
Ensi s’en va à son refui
Il et ses gens, c’est à se nef,
Et puis entrent ens tout souef,
Et puis s’eskipent et drecierent
Lor sigle, et par le mer nagierent.
Vent orent tel k’il aferoit
A lor nave et là vinrent droit
U Proserpine ert od son fil.
Atant es Renart le Goupil
Ki li requiert de convenant
Ele li kierke son enfant,
Orghilleus son fil c’ot d’orguel
Ki warlouskete un peu del oel
Par fiertet, et s’estoit viestis
D’uns dras trop desguisiés, partis
