Si me veil or atant soufrir
Et à Renart m’estuet venir
Qui Ysengrin eut delivré
Ensi com je vos ai conté,
Dou cep où il fu enbatus.
Ensi com il les saus menus
S’en aloient çou democant
Dou Vilain qu’il orent atant
Laissié. Mist Renars à raison
Ysengrin, et dist : compaignon,
Avons esté moult a grant tans,
Mais aincht que sace de cent tans
N’éut povoir de bien à faire
Com jou ai ore, si repaire
Del tout de ma mavaise vie :
Ne cuer jamais avoir envie
De maus à faire, jou les hé.
Ysengrins çou a escouté,
Si cuida pour l’esperiment
Dont il l’avoit isi briément
Delivré, que il déist voir.
Sire Renart, vos dechevoir
Ne veil mie, sachiés de fi
Que hautement je vos merchi
De çou que vos m’avés hui fait.
Renars a dit, bien por mal fait
Doit-on rendre qui seroit saus :
Je hui cuidasses iestre asaus
Page:Le Roman du Renart, 1826, tome 4.djvu/41
Le texte de cette page a été corrigé et est conforme au fac-similé.
