A souffrir, si seroit raisons,
Car n’i eut nul de compaingnons
Qui de rien nule convenist,
Tant bien esgarder i seuist
Moi ne mes dis, car pour Renart
Fui auques et mis en sa part
Raisons par coi je fusse Rois ;
Et s’ensi ert, fust tors ou drois,
Seingnour seriés de tout le mont ;
Renart, Renart, dou val où mont
Se doit cascuns metre vias,
Alons-nos ent le petit pas
Tout bielement et souavet :
Tant m’as apris dou Renardet
Puis que te vi premierement,
Que se verités ne me ment,
Jou te cuit coroner à Roi.
Atant se misent entr’aus doi,
Si n’ont finé tant que venu
Sont où li Rois ert, et si dru
Droitement vinrent en la chambre
Qui toute estoit ouvrée à l’ambre,
Où li huisier les laissent ens.
Devant le Roi vinrent presens
Li Prious et frere Renars.
Sire, cil Dius qui fist trois pars
De soi méime, il vos doinst faire
Chose en bien qui à la…[1]
- ↑ Le mot est illisible.
