Si est plus sades à mengier.
Que que Renars dist la parole
Li Cos eschape, si s’enrôle.
Meintenant ses chiens apela,
Et il meismes sailli sus.
El gelinier entre par l’ius.
Si tost com Tiberz l’a véu,
Fui s’en, n’i a plus atendu.
Tout coiement, tout à celée,
Renars est en fuie tournée
Parmi euls ; moult tost l’aperçurent
Li chien, et après lui coururent ;
Mès Renars se met à la fuie,
Et li vileins ses chiens li huie,
Et cil se metent à la trace.
Tibers, qui fu de male estrace,
Sailli hors par le pel froé,
Par là où il estoit entré ;
Renars après lui de randon ;
Mès li chien par le peliçon
L’aerdent, si l’ont geté jus ;
Embedui li saillirent sus ;
Moult l’atoumèrent malement ;
Mès Renars ne fu mie lenz,
Eins se redresce, si s’en fuit :
Ne l’ bailleront huimès, ce cuit.
Fuiant s’en vait sans demourée,
Et li chien font la retournée.
