Liés sui quant ne me ravisés.
Ne fust si liés pour nul avoir
· · · · · · · · · · · · · · · li desréés
Qui grant honte et dolor nous maine,
Dame-Diex li doinst male estraine,
Et male encontre à son lever !
Male mort le puisse acorer !
Annui aura, que qu’il demeure ;
Et si ne gardera jà l’eure.
Donques fout-il moult malmenez
Se vos fout-il lui ancontrez.
Par la foi que doi sainct Martin,
Ne sainct Fraubert, ne sainct Quentin,
Por tot l’avoir que Diex aver
Ne voler pas moy lui sambler.
Je sai bien faire le cherin.
Je sauré bien fère chopins ;
Et si sez bien fez chevaliers,
Dont moi sui à Cort tenu chiers,
Et se je aura mon viel,
Je vos dirai un rotruel ;
Et si vous dirai un tel son
Pour vous, qui me semblez preudon..
Chiés un villain qui s’en déduit