Que nulz hons croire ne vous doit.
Sachiez c’on le doit desprisier,
Puisqu’il ne viaut nelui prisier.
Vileins qui sont fors du destroit,
Ne li chaut puis conme qu’il soit.
Nulz prodons ne s’i doit fier :
Je ne sai comment je te croie ;
Car je doubt moult se je t’ottroie
De chi à partir par ta foy,
Jamais ne j’orroie de toy,
Que mainte faulse en ay trovée.
Sire, c’est vérités…
Que mal talent avoit moult fort ;
En duel faire a mis s’entente
Li villains, qui moult se garmente.
Renars l’oy, qui estoit près ;
Du villain oy les regrès :
Vers lui est venus le grant saut,
Si li dit : Villains, Dieux te saut !
Se tu vois que faire péusse
Rien, dou consillier te scéusse.
Li villains : A toi que reint ?
Laisse ester, fait-il, tout conplaint.
Hay, villains ! ce dist Renart,
Tant par ies or de male part
Que ne te pués en moy fier.
Jhesus te puist mal ottrier !