Vers 17167-204 :
Pour la puour desmesurée
Qui put com estrons de privée
Tous est mes corps affebloiés,
Et de traire suis annoiés ;
Se m’en plaing ne m’en dois blâmer ;
A peu ne me convient pasmer.
Ceste dolors qui trop fort m’entre,
Doloir me fait le cuer du ventre
Li ors vens de son cul punais.
Mielz vaulsisses estre à Biauvais,
Ou couchiés en une privée,
Que sentir si male fumée
Qui tant me fait le cuer estroit.
Je croi je morrai orrendroit :
Il me vient de trop malvais vent.
S’or estoie liés devant,
Je sai sans demor, tout de voir,
Je feroie bien mon devoir ;
Autre n’y querroie por traire,
Tout sol vaulroie-je ce faire.
Ostes-moy de ceste ténébrour,
Tous sui jà couvers de suour,
De la puour, de la viltance,
Que cilz pertuis ou corps me lance.
La puour, contre mon voloir,
Me fait trestout le cuer doloir.
La puours dou je sui destrois,
Pour sentir, se tu ne m’en crois,
Vien ; et si me deslie tantost ;
Ceste puours m’aura jà mort,
Por peu que ne m’a mort gitté.
