Page:Le Roman du Renart, supplément, 1835.djvu/69

Renart le Bestourné.

Renars est mors, Renars est vis ;
Renars est ors, Renars est vils,
xxxxEt Renars règne ;
Renars a moult régné el règne,
Bien i chevauche à lasche règne
xxxxCol estendu.
L’en le devoit avoir pendu,
Si com je l’avoie entendu,
xxxxMès non à voir.
10Par tens le portez bien savoir :
Il est sires de tout l’avoir
xxxxMon seignor Noble,
Et de la Brie et du vignoble.
Renars fit en Costantinoble
xxxxBien ses aviaus,
Et en caves^[1] et en caviaus
Ne lessa vaillant deux naviaus
xxxxL’Empereor ;
Ainz en fist povre péchéor,
20Par pou ne le fist peschéor
xxxxDedenz la mer.
Ne doit l’en bien Renart amer,

1. Cases ; mss. 7218 et 7633.