Le texte de cette page a été corrigé et est conforme au fac-similé.
Que li sien firent à mort traire
Par s’avarisce.
Quant j’oi parler de si lait visce,
Par foi, toz li peuz[1] m’en hérice
De duel et d’ire
Si fort que je ne sai que dire ;
Quar je voi roiaume et empire
Trestout ensamble.
Que dites-vous, que il vous samble,
Quant mes sires Nobles dessamble
Toutes ses bestes,
Qu’il ne puéent metre lor testes
Aus bons jors ne aus bones festes
En sa meson ;
Et se n’i set nule reson
Fors qu’il doute de la seson
Que n’enchierisse ;
Mès jà de ceste anée n’isse
Ne mès coustume n’establisse
Qui ce brassa ;
Quar trop vilain fet embrassa :
Roniaus li chiens le porchaça
Avoec Renart ;
Nobles ne set enging ne art
Ne c’uns des asnes de Senart
Qui busche porte ;
- ↑ Peuz, poils, cheveux. Cuers, aux manuscrits 7218 et 7615.
