Aller au contenu

Page:Le Roman du Renart, supplément, 1835.djvu/74

La bibliothèque libre.
Le texte de cette page a été corrigé et est conforme au fac-similé.

xxxxGart chascuns soi :
Ysengrins a un fils o soi
Qui toz jors de mal faire a soi ;
130xxxxS’a non Primaut ;
Renars, un qui a non Grimaut ;
Poi lor est comment ma rime aut,
xxxxMès que mal facent,
Et que tous les bons us esfacent.
Diex lor otroit ce qu’il porchacent !
xxxxS’auront la corde ;
Lor ouvraingne bien s’i acorde,
Quar il sont sanz miséricorde
xxxxEt sanz pitié,
140Sanz charité, sanz amistié.
Monseignor Noble ont tot getié
xxxxDe bons usages ;
Ses ostex est uns reclusages.
Assez font paier de musages
xxxxEt d’avaloingnes
A ces povres bestes lontaignes,
A cui il font de granz essoingnes.
xxxxDiex les confonde,
Qui sires est de tout le monde !
150Et je r’otroi que l’en me tonde
xxxxSe maus n’en vient ;
Quar d’un proverbe me sovient
Que l’en dit : Tot pert qui tot tient ;
xxxxC’est à bon droit.