Le texte de cette page a été corrigé et est conforme au fac-similé.
En grans feſtes et atournoẏz
Trop craindre ne uault ung tournoẏs
Honte
Crainte en ieuneſſe ce me ſemble
Ceſt ung ſigne bien a priſer
Et ſi doibuent aller emſemble
Ou len ſe feroit meſpriſer
Ceſt enſeignement ia prins hier
Treſtout ainſi que ie le compte
Tout noble cueur doit craindre honte
Amours
Eſt ce honte deſtre ioẏeuſe
Ne de faire les gens ualoir
Sans plus eſtre dautruẏ enuieuſe
Car du ſourplus ne doit chaloir
Mectre ſon temps ſans bien auoir
Ceſt fait de trop laſche couraẏge
Toſt ou tart le ſcaẏ fait louuraẏge
Honte
Faire ualoir pour ualoir moẏns
Les autres ne ſeroit pas ſens
Je te iure de mes deux mains
Tu es folle ſe tu te aſſens
A monſtrer a milliers ou a cens
Franche comme beſte ſauuage
Malle eſt eaue hors de riuaige
a.iiii.
