Uous verrez encor mieux par ma perſeuerance,
Ma paſſion naifue eſcrite dans mes yeux.
Uoyez doncques mes yeux, pourvoir mō cœur fidele,
Uous qui auez voulu vous obliger ma foy,
Et ie vous pri iugez que iamais autre belle
Que vou, n’eſtablira ſa puiſſance ſur moy.
Et puis quand vous aurez cogneu la ſimplicité de mon courage, & l’innocence de mon amour, eſpluchez ces diuerſitez pour voſtre plaiſir, afin que vous ayez du contentement de ce que vous auez cauſé pour contenter les beaux eſprits.
Les Enigmes qui ſont és cellules du Palais des Secrets, auec l’ordre & les caracteres de chaque cellule : ſuiuant quoy l’on pourra trouuer l’interpretation au plan du grand Palais par les ordonnances deduites au Palais de la Lune.
Je ſuis d’vne eau ſubtile vne pouldre legere,
Apres auoir monté ie tombe lentement,
Et par douce chaleur diſſoute en humeur claire,
je penetre par tout le ſolide Element.
Auec beaucoup de fraix le monde le fait faire,
Pour ayder au ſupport de vie, & de ſanté,
Et encor que chacun viuant en ait affaire,
On ne l’achete pas le quart qu’il a couſtè.
Frere demon ſubiet, i’exiſte ſans ſubſtance,
Et ſi ſommes conioincts d’vn eternel lien,
Pourtant ie ne ſuis point, toutesfois mon eſſence
Eſt telle que n’eſtant, il n’y auroit plus rien,
