diſen per noſtre rapport, & iugement adrect.
Voyla quatorze nottes qui ſignifient le pucellage, ſelõ les Bearnoiſes. Voyõs maintenant la depoſition des Pariſiennes, qui font leur rapport d’vne qui eſtoit défloree.
Nous Marion Teſte, Iane de Meaux, Iane de la Guigans, & Magdelaine la Lippe, matrones iurees de la ville de Paris, certifions à tous qu’il appartiendra que le quatorzieſme iour de Iuin dernier, par ordonnance, de ladicte ville, nous ſommes tranfportees en la ruë de Frepaut, où pend pour enſeigne la pantouffle, où nous auons veuë & viſitee Henriete Peliciere, ieune fille, aagee de 18. ans, ou enuiron, ſur la plainte par elle faicte à iuſtice, cõtre Simon le Bragard, duquel elle a dit auoir eſté forcee & défloree. Et le tout veu & viſité au doigt & à l’œil, nous trouuons qu’elle a les 1 barres froiſſees, le 2 haleron demis, la 3 dame du milieu retiree, le 4 ponnãt debiſſe, les 5 toutõs deuoyez, 6 l’enchenart retourné, la 7. babolle abbatuë 8. l’entrepet ridé, 9 l’arriere foſſe ouuerte,
