Le texte de cette page a été corrigé et est conforme au fac-similé.
NOVVELLES ŒVVRES
Flev.
CHANSON.
Arguerite mon cher ſouci
Voulez vous pas chanter auẞi ?
Sus mon cueur chansons a l’eſpreuue
Le bien qui en l’amour ſe treuue.
Margve.
Dépuis ô gracieux Pasteur,
Que je vous tiens pour ſeruiteur,
I’ay touſiours fait heureuſe eſpreuue
Du bien qui en l’amour ſe treuue.
Flev.
Iamais le Cheureau ſautelant,
Autour de ſa mere belant,
Ne l’aymera d’amour ſi franche
Que moy voſtre belle main blanche.
Margve.
La Bichete qui court au bois
Suiuant de ſa mere la voix,
N’espere pas tant en ſa mere
Qu’en vous mon Fleurion i’eſpere.
Flev.
Roſeline m’auoir predit
Que i’aurois en amour credit,
Lors que ie vy deux tourterelles
Qui ſe mignardoient de leurs ailes.
