Cette page a été validée par deux contributeurs.
Quand la parole gracieuse
Qui sçait doctement deviser
Peut d’une vie vertueuse
En tous se faire authoriser.
Les Dames qui veulent bien vivre,
Desireuses d’aprendre & voir,
Hantent les vertus & le livre,
Mariant les meurs au sçavoir.
Si le naturel de l’exemple
A pouvoir de gaigner a soy,
Tirant celuy qui le contemple
Forcé par une douce loy :
Voiez les filz de Cornelie,
Qui rendent leur nom immortel,
En suivant la Philosophie
Du rare exemple maternel.
Et regardez Cleobuline,
Qui persüade sagement
Son Pere de se monstrer dine
D’un si riche gouvernement.
Voiez la fidelle Porcie,
