ſorte. Ainſi tous enchaiſnez que nous eſtions, & perſecutez des vns & des autres, nous fuſmes menez en triomphe par toute la Ville, où l’on n’oyoit que cris & acclamations, ou s’entremeſloient pluſieurs ſortes de Muſiques, tant d’inſtrumens, que de voix. Auecque cela, il n’y auoit femme, pour retirée qu’elle fuſt, qui n’accourût à ce bruit pour nous voir, & nous faire quelque outrage : car depuis les moindres enfans iuſques aux hommes les plus aagez ; tous ceux qui nous regardoient paſſer, nous iettoient du haut des feneſtres, & des balcons, des pots pleins d’vrine, & d’autres ordures, pour plus grand blaſme & meſpris du nom Chreſtien. À quoy ils ſe portoient à l’enuy les vns des autres, à cauſe que leur maudit Preſtre continuoit touſiours à leur preſcher qu’ils gaignoient les pardons à nous maltraitter. Tellement que pas vn d’eux ne vouloit paroiſtre nonchalant à s’acquérir, du merite, & faire vne penitence qui leur couſtoit ſi peu, employans pour cét effet tout le iour en pareilles Stations. Ayans eſté tourmentez de cette ſorte iusques au ſoir, à la fin apres qu’on nous euſt bien pourmenés ainſi garottez que nous eſtions, nous fuſmes conduits en vne obſcure baſſe-foſſe. Là nous demeuraſmes dix-ſept iours expoſez à toutes ſortes d’angoiſſes, & ſans y auoir pour tous viures pendant ce temps-là, qu’vn peu de farine d’auoine par iour, qui nous eſtoit diſtribuée le matin pour tout le reſte de la iournée. Quelquesfois auſſi l’on nous donnoit cette meſme portion en pois cruds, ſeulement trempez dans l’eau, que nous mangions ainſi, sans prendre autre nourriture.
ovrce que ces nous autres miſerables eſtions la pluſpart ſi fatiguez, que nous n’en pouuions plus, & mal penſez de nos playes, qui eſtoient grandes & dangereuſes ; ioint que ces courages barbares nous traittoient auec toute
