Page:Les voyages advantureux de Fernand Mendez Pinto.djvu/53

35

de Fernand Mendez Pinto.

demeura ſur la place quarante-cinq de morts, entre leſquels il y eut ſeulement huit des noſtres ; alors le Capitaine General n’eſtant pas content de ceſte premiere charge, leur en donna vne ſeconde, par le moyen de laquelle il pleuſt à Dieu leur faire tourner le dos, ſi bien qu’ils firent retraite peſle-meſle, comme gens qui par leur faute & par leurs deſroute teſmoignoient l’apprehenſion qu’ils auoient de la mort. Cependant nous les pourſuiuiſmes iuſques dans leurs tranchées, où ils nous tournerent viſage, & nous firent teſte tout de nouueau, en quoy l’ardeur fut ſi grande de part & d’autre, & nous nous treuuaſmes ſi auant dans la meſlée les vns parmy les autres, & ſi embarraſſés que nous nous offencions auec les pommeaux de nos cymeterres. En meſme temps arriuerent nos Fuſtes, qui le long du riuage s’en eſtoient venuës à la rade pour nous ſecourir, comme en effet elles tirerent ſur nos ennemis toute noſtre artillerie ſi à propos, qu’elles abbatirent vnze ou douze de leurs plus vaillans Ianniſſaires, qui portoient entr’eux des bonnets verts, pour marque de leur nobleſſe. Ceſte mort effraya ſi fort les autres, qu’ils quitterent le camp auſſi-toſt ; de ſorte que par ce moyen ils nous donnerent loiſir de mettre le feu dans la Galere, par l’exprés commandement du General Gonzallo. Pour cét effet apres qu’on y euſt ietté dedans cinq pots de poudre, le feu ſe priſt dans ceſte meſme Galere, auec tant de violence, que nous y viſmes toutes les apparences que l’on ſçauroit dire, qu’elle ne tarderoit gueres à eſtre entierement conſommée, car le mas & l’antenne s’en alloient eſtre deſia tous embraſez, ſi les ennemis connoiſſans en quel danger ils eſtoient, n’euſſent eſteint ce feu courageuſement. Cependant les noſtres s’obſtinerent plus fort que iamais à ſe rendre les maiſtres du foſſé, & à deffendre en vaillans ſoldats ce qu’ils auoient deſia gaigné par leur courage. Ce que voyant les ennemis, pour faire leur dernier effort contre nous, ils mirent le feu à vne grosse piece d’artillerie, laquelle à ce que nous en iugeaſmes depuis par la balle, eſtoit vne double piece de batterie, qui auec vn ſacquet de pierre nous mit à mort ſix des noſtres, dont le principal eſtoit Diego Vaz