aux charges des officiers, reparations neceſſaires à faire tant ou chaſtel ſeigneurial dudit lieu de Dourdan, comme aux aſſignez entre les fief & aumoſnes d’iceluy lieu, qu’autrement, ce que toutesvoyes il ne pourroit bonnement ne ozeroit faire, ce n’eſt pardeuant vous ou aucuns de vous, & par voſtre ordonnance ou de vos commis & deputez à ce. Ce conſideré, il vous plaiſe de vos benignes graces commettre & ordonner deux d’entre vous (Noſdits Seigneurs) pour oyr les comptes dudit ſuppliant, iceux clorre & affiner, & auſſi pour faire & eſtablir ſon eſtat pour la diſtribution des deniers de ſadite recepte, tant (comme dit eſt) pour l’eſtat de la Iuſtice, gaiges des officiers, reparations neceſſaires à faire eſdits chaſtelz cõme aux aſſignez entre les fiefs & aumoſnes dudit lieu que autrement, afin que ledit ſuppliant ſçache commẽt il ſe aura à gouuerner pour le temps à venir, & vous ferez bien. Et au bas eſt eſcrit, committuntur commiſſarij, aliâs dati in comitatu Stampenſi, actum in Parlamento 23. Septembris 1453. Signé Chovrteav.
