Cette page a été validée par deux contributeurs.
8
Memoires
mil cinq cens quatrevingts-vnze, que ceſte couuerture fut ruinée par le Mareſchal de Biron, lors qu’auec l’Armée Royale il aſſiegea le chaſteau. Deuant la porte de ce chaſteau eſt vne grande place, en laquelle eſtoit autresfois vn jardin qui y auoit eſté fait depuis peu d’années par vn grand apport de terres qui le rendoit plus haut que le rez de chauſſée : & de faict lors du ſiege le Capitaine Iacques en ayant fait oſter quantité de terre pour fortifier le chaſteau, dans lequel il commandoit : & eſtant paruenu juſques à l’ancien ſolage on y a trouué des foyers & autres choſes, qui font cognoiſtre qu’auparauant y auoit eu des baſtiments qui auoient (peut-eſtre) eſté ruinez pour y pratiquer la commodité de ce jardin : Or de dire quand
