lier es vissiers avec leur chevax, et se misent à le voie ; si fisent ’^ « i
sonner buisines d’argent et darain bien dusques à c. paire, et tabours^ et tymbres, tant que trop’^+.
uant le gent de le vile virrent chel grant navie et lcs croisés attaquent chel grant estoire, et il oïrent les sons des buisines et des tabors qui faisoient grant noise, si s’armèrent trestout et montèrent seur les maisons, et seur les tors de le vile, si leur fu bien avis que toutes le mers et le tere tranlast, et que toute le mers fust couverte de nés ; et entrementiers avoit li empereres fait venir se gent toute armée, seur le rivage, pour deffendre le rivage. Quant li croisié et li Venicien virrent les Grieus qui estoient venu seur le rivage tout armé encontr’aus, si parlèrent ensanle tant que li dux de Venice dist qu’il iroit devant à toute se gent, et qu’il prenderoit le rivage à l’aiwe de Dieu. Adont si prist ses nés, et ses galies, et ses vissiers, si se mist u front de l’ost par devant-, après, si pri sent leur arbalestiers et leur arkiers, si les misent par devant en barges pour délivrer le rivage des Grieus ; quant il se furent si faitement ordené, si alerent vers le rivage. Quant li Grieu virrent que li pèlerin ne lairoient mie pour peur d’aus, qu’il ne venissent au rivage, et il les virrent aprochier d’aus, si se traisent ariere, onques ne les osèrent atendre, tant que li estoires ariva ; et quant il furent arivé, si issirent li chevalier hors des vissiers tout monté, (que li vissier estoient en tele manière fait, que il i avoit vis que on ouvroit bien, si lanchoit on i. pont hors, par où li chevalier pooient issir hors à tere tout monté). Quant li estoires fu arivés, etli Grieu qui s’estoient trait ariere, virrent que il furent tout issu hors, si en furent moult dolent. Or estoient che une gent, chil Grieu qui estoient venu au rivage deffendre, qui s’estoient vanté à l’empereur que jà n’i arriveroient li pèlerin, tant comme il i fussent. Quant li chevalier furent issu hors des vissiers, si acueillent à cachier ches Grieus, si les cachierent dusques à i. pont qui près estoit du kief de le chité’"
; deseur chu pont avoit une porte, où parent
li Grieu passèrent, et s’enfuirent en Coustantinoble. Quant Constantinople.
