Pierres et se gent, d’ahans et de grietés que trop ; et tant pikie^04
rent à chele posterne de hasches, et de boines espées, d’ès debous et de pis, que il i fisent i. grant pertuis, et quant chele posterne fu perchie, si eswarderent parmi, et virrent tant de gent, et haut et bas, que sanloit que demis li mondes i fust, •
si qu’il ne s’osoient enhardir d’entrer i. uant Aleaumes li clers vit que nus n’i osoit entrer, Auaume de ciari pé
-Il
nètre le premier dans
SI sali avant, et dist qu il 1 enterroit : si avoit illuec la vuie.
un chevalier, i. sen frère, (Robers de Clari avoit à nom) qui li deffendi, et qui dist quil n’i enterroit mie, et li clers dist que si feroit ; si se met ens à pies et à mains, et quant ses frères vit chou, si le prent par le pié, si commenche à sakier à lui, et tant que, maugré sen frère vausist ou ne dengnast, que li clers i entra. Quant il fu ens, se li keurent sus tant de ches Grieus que trop, et chil de deseur les murs li acueillent à geter grandesmes pierres ; quant li clers vit chou, si sake le coutel^ si leur keurt sus, si les faisoit aussi fuir devant lui comme bestes, si disoit à chiaus de defors, à seigneur Pierron et à se gent : « Sire, entres hardiement, je voi qu’il « se vont moult desconfisant et qu’il s’en vont fuiant. » Quant mesires Pierres oï chou, et se gent qui par dehors erent, si entra ens mesires Pierres et se gent, si ne fu mie plus que li disime de chevaliers, mais bieni avoit Ix. serjans avec lui, et tout estoient à pié laiens. Et quant il furent ens, et chil qui estoient seur les murs et en chel endroit, les virrent, si eurent tel peur qu’il n’osèrent demorer en chel endroit, ains widierent grant partie du mur, si s’enfuirent qui miex miex ; et li empereres Morchofles li traitres estoit moult près d’illuec, à mains de le getée d’un cailleu, et faisoit sonner ses buisines d’argent, et ses tymbres, et faisoit un moult grant beubant. Quant il vit monseigneur Pierron et se gent qui estoient ens à pié, si fist moult grant sanlant de lui corre sus, et de ferir des espérons, et vint bien dusques en mi voies ; quant mesires Pierres le vit venir, si commencha à reconforter se gentetàdire :
«
Or, Seigneur, or du bien faire, nous arons
