1204
Sires eut le costé perchié, et les ij. cleus ^’^^ qu’il eut fichiés parmi les mains, et parmi les pies. Et si i trouva on en une fiole de cristal grant partie de sen sanc^°^ ; et si i trouva on le tunike ^°^ qu’il avoit vestue, que on li despouilla quant on Teut mené au mont de Cauvaire ; et si i trouva on le beneoite coroune ^°^ dont il fu corounés, qui estoit de joins marins ausipougnans comme fers d’alesnes : et si i trouva on de le vesteure Nostre Dame^°^, et le kief monseigneur saint Jehan Baptistre^"^, et tant d’autres rikes saintuaires illuec (que) ne le vous porroie mie aconter, ne dire le vérité. Or avoit encore autres saintuaires en chele capele que nous vous aviesmes evliés à dire ; car il i avoit ij .
rikes vaissiaus d’or qui pendoient enmi le capele à ij. grosses caaines d’argent:en l’un de ches vaissiaus si i avoit une tuile, et, en l’autre, une touaile ; si vous dirons dont chil saintuaire estoient venu. Il eut jadis un saint homme en Coustantinoble ; t. 121 v », c. i. si avint que chus sains hons recouvroit de tuile le maison à une veve femme pour l’amour de Dame Dieu ; si comme il le recouvroit, si s’aparut Nostre Sires à lui, si parla à lui; or avoit li boins hons une toaile entour lui:« Cha donne, fist Nostre Sires, chele toaile » ; et li boins hons li bailla, et Nostre Sires en envolepa sen visage, si que se forme i fu empientée, puis se li rebailla, se li dist qu’il l’emportast, et qu’il la toucast as malades, et qui creanche i aroit, si seroit netiés de se maladie. Et li boins le prist, si l’emporta; mais, devant chou qu’il l’emportast, quant Dieus li eut rendue se toaile, si le prist li boins hons, si le mucha sous une tuile dusques au vespre:au vespre, quant il s’en ala, si prist se toaile ; si comme il leva le tuile, si vit le forme empientée en le tuile ausi comme en le toaile ; si emporta le tuile et le toaile, puis en varirent maint malade ; et chil saintuaire pendoient enmi le capele, si comme je vous ai dit^°^. Or avoit encore en chele Sainte Capele i. autre saintuaire ; car il i. avoit i ymage de saint Dimitre ^°9 qui estoit painte en une ta vie; chis ymages si rendoit tant d’oile que on n’en savoit tant oster comme il decoroit de chel ymage. Si i avoit bien xx. des capeles, et si i avoit bien ce. mansions, ou ccc, qui toutes tenoient ensement l’une
