86 ROBERS DE CLARI.
1207— 1216 L’empereur Henri demande en mariage la fille du roi de Valachie.
Après, avint que li empereres Henris, qui moult fu boins empereres, se conseilla à ses barons que il porroit faire de ches Blaks et de ches Commains qui si faitement wexioient Tempire de Coustantinoble, et qui Tempereur Bauduin sen frère li avoient mort ; tant que li baron li loerent qu’il envoiast à chelui Burous qui estoit rois de Blakie, et que il li mandast qu’il li donnast se fille à femme, et li empereres respondi ke femme de si bas parage ne prendroit il jà, et li baron disent : « Sire, si feres ; « nous vous loons bien que vous vous acordes à aus, car che « sont le plus fort gent et le plus doutée de l’empire, ne de le « tere. » Et tant parlèrent li baron que li empereres i envoia ij. chevaliers haus hommes, et si les fist atorner moult bêlement, et s’en alerent li message moult doutanment en chele f. sauvage tere, et quant il vinrent là, si les vaut on destruire, et toutes eures parlèrent tant il message à chelui Burous, que il leur respondi que il envoieroit volentiers se fille à l’empereur.
f. 128 i°, c. i.
Mariage de l’empereur Henri ; sa mort.
Adonques si fist atorner Burous li rois se fille moult rikement, et moult noblement, et asses gent avec lui ; si l’envoia à l’empereur, et li fist baillier Ix. sommiers tous carkiés d’avoir, et d’or, et d’argent, et de dras de soie, et de rikes juiaus ; ne n’i avoit sommier qui ne fust couvers d’un vermeil samit, qui si estoit Ions qu’il trainoit bien vij. pies ou viij. à cascun par deriere, ne jà tant n’alaissent par boe, ne par laides voies, que jà en fust nus des samis escorchiés, tout par cointise et par nobleche. Quant li empereres seut que le damoisele venoit, si ala encontre lui, et li baron avec lui, et si en fist moult grant feste de lui et de se gent, et puis après si l’espousa l’empereres 288. Ne demora mie grant tans après que on manda l’empereur à Salenike, pour corouner le fil le marchis à roi 289 ; et li empereres i ala, et quant il eut corouné le fil le marchis, si amaladi là, et si i morut (ii juin 1216.), dont che fu moult grans damaches et moult grans pitiés 290.
