aſſeuré en la saincte foy, cognoissans par là que les Dieux du Iappon n’eſtoient aſſez puiſſans pour trouuer d’autres ſeruiteurs, ny pour defendre ceux qu’ils auoient deſia eus, & par ainſi vindrent a recognoiſtre & confeſſer que c’eſtoient inuentions de Sathan. Soudainement apres les Chreſtiens dreſſerent vne croix deux iets de pierre loin de ce temple pour faire plus grand deſpit & creuecœur à ce diable. Ie ne puis plus eſcripre pour le preſent parce qu’il me fault aller de ce pas, ouyr les confeſſions des Chreſtiens de Cauache, leſquels d’icy à trois iours ſe mettront en chemin pour aller à la guerre. Ie me recommande bien fort aux prieres & ſaincts ſacrifices, de voſtre reuerence, De Meaco ce iour de ſainct Matthieu 1573.
De voſtre Reuerence, fils & ſeruiteur en noſtre Seigneur,