Agachas vn pauc lous Céls , Coussi sous claufits d'Estéles : Que rauissou nostres vèls, Quand n'y a tantes de tant bélos , E sur toutes lou Souleil, Qu'es vn Astre sans pareil.
Aquelses Astres luzens
De la Céléste demoro ,
Nou sous que lous paromens.
Per enrechi lou defore, Lou didins d'aquel Palays, Luzis cent mille cots mays.
E se Dieu iust'é poysant, A fach ta bel aquest monde, E permet que lou missant, Mayt que lous bous y abonde, Qu'auro fach per sous amics, Quand fa tant pels ennemies.
Sous amies sous dins lous Céls D'ampereurs et de Monarques, Sous Companhous dels Angéls, Des Profétes, des Patriarcos. A la suite del Tres-Haut, Au tout qu'an cal sans defaut.
Au la santat, sans doulour, Au la joye , sans tristesse, La glorio , sans deshounour, Tout bon-heur, toute richesse : Toute pax, an tout amour E tout repaus per toutjour.
Vn cors bél, resplandissent, Subtil, agil, impassible, Coume l'esprit agissent Immortal, incorruptible : Remplit en toutses sous sens, De toutses contentamens.