Se sëoit une créature[1]
De trop mervilleuse figure ;[2]
Car nulle goûte ne vëoit ;
Et en sa destre main tenoit
Un dart qui bien estoit ferré
De ier tranchant et acéré ;
Et en l’autre avoit un brandon[3]
De feu qui getoit grant randon ;
Et s’avoit pour voler deus eles[4]
Si belles qu’onques ne vi teles.
La face avoit clere et moult belle[5]
Et la coulour fresche et nouvelle,[6]
Et tout le remenant de li
Estoit de maintien si joli,[7]
Car on ne porroit souhaidier
Un aussi bel, a mon cuidier.
S’ot un chappellet de rosettes,
De muguet et de violettes,
Par cointise mis en son chief.[8]
Mais encor vi je derechief[9]
Que tuit li gentil damoisel,
Qui estoient plein de revel,[10]
Et les damoiselles aussi,
Tous ensamble et chascun par li,[11]
Li faisoient feste et honnour
Comme a leur souverein signour,
Grâce et loange li rendoient[12]
Et comme leur Dieu l’aouroient.[13]
Et quant j’eus tout cela veü,
- ↑ K Ce
- ↑ BD très (B1 rétablit trop)
- ↑ BD Et en lautre main un h. ; F comble une lacune au commencement du vers par Et de feu en 1.
- ↑ E voloir
- ↑ E a. belle et moult clere
- ↑ MKJ et vermeille
- ↑ AVE. douurage
- ↑ D mise
- ↑ A vis ; Z) encore vi d.
- ↑ Ce vers dans B a été ajouté au bas de la colonne
- ↑ MJ chascuns
- ↑ 191 et 192intervertis dans AM ; AMJ Grâces ; C et loyauté
- ↑ K Si ; M corn.