Par dessus tous estoit dignes clamez,[1]
Car il estoit vrais^ loiaus et secrez,[2]
Et en trestous fais amoureus discrez,[3]
148 Et je l’amoie
Si loiaument que tout mon cuer mettoie
En li amer, n’autre entente n’avoie ;[4]
Qu’en li estoit m’esperance, ma joie[5]
152 Et mon plaisir,
Mon cuer, m’amour, mon penser, mon désir.[6]
De tous les biens pooit mes cuers joir[7]
Par li vëoir seulement et oïr.
156 Tous mes confors
Estoit en li ; c’estoit tous mes depors,[8]
Tous mes solas, mes déduis, mes trésors ;[9]
C’estoit mes murs, mes chastiaus, mes ressers.[10]
160 Et il m’amoit,
Par dessus tout me servoit et cremoit ;[11]
Son cuer, s’amour, sa dame me clamoit ;[12]
Tous estoit miens ; mes cuers bien le savoit ;
164 Ne riens desplaire
Ne li peust qui a moy deüst plaire.
De nos deus cuers estoit si juste paire[13]
Qu’onques ne fu l’un a l’autre contraire ;
168 Einsois estoient
Tuit d’un acort ; une pensée avoient ;[14]
De volenté, de désir se sambloient ;[15]
Un bien, un mal, une joie sentoient
172 Conjointement,
- ↑ B tout ; tous manque dans M
- ↑ C vrais et loyaus
- ↑ D En ; CEJ en tous fais ; P en tous cas ; FMB et discrez B1 a effacé et)
- ↑ M amer autre
- ↑ J En lui ; CBDJP et ma joie
- ↑ J mi désir
- ↑ E De trestous biens
- ↑ J E. trestous cest.
- ↑ J Touz mes déduis cestoit tous mes trésors ; D Tout ; D mon déport
- ↑ C mes murs ma tour et mon resors
- ↑ CEKJ tous ; P toutes
- ↑ JKP siens
- ↑ E est, tout une p.
- ↑ Tuit manque dans M ; DP Tout
- ↑ KJ de dit ce ressambl. ; P sassembloient.
