Quant cils regars se deingnoit assentir[1]
A descendre seur moy, que, sans mentir,[2]
440 Je ne savoie
Qu’il m’avenoit ne quele part j’estoie ;[3]
Car scens, vigour et manière perdoie,[4]
Si durement par ses yeus me sentoie[5]
444 Enamourez.
Adont désirs d’estre de li amez[6]
En mon cuer fu si très fort enflamez[7]
Que puis m’en suis cent fois chetis clamez[8]
448 En souspirant ;
Car tel doleur sentoie en désirant[9]
Que ma vigour en aloit empirant[10]
Et meint penser avoie, en remirant[11]
452 Son dous viaire ;
Car volentiers li alasse retraire
Comment de cuer l’amoie, sans retraire.[12]
Mais la paour d’escondire ce faire[13]
456 Me deffendoit ;
Et d’autre part Bel Acueil m’appelloit,[14]
Son Dous Regart riant m’asseiiroit,[15]
Et Dous Espoirs doucement me disoit[16]
460 En loiauté
Et m’affermoit qu’onques si grant biauté
Ne pot estre, qu’il n’i eust pité.[17]
Si m’ont cil troi tant dit et enorté[18]
464 Que toutevoie
- ↑ D Que ; E son regart ; KJP ses regars ; M me d. ; D dai gnast
- ↑ E car s. m.
- ↑ C Qui me menoit ; E quelque part ; M quel part ou jest.
- ↑ D manière et vigour
- ↑ K Tant ; D ces
- ↑ C Adonc cuiday estre de li amez
- ↑ C Et ; E fui
- ↑ P Que men sui puiz
- ↑ E doucour
- ↑ E aloie ; D aloit en empirant
- ↑ E en désirant
- ↑ KJP du cuer
- ↑ D desconfire
- ↑ E maccueilloit
- ↑ KJ masauouroit
- ↑ E moy
- ↑ E Si ne pourroit estre qui ny
- ↑ C Si moult ; K si troy ; E les trois.